Mashambulio ya kinyesi na moto yauandama upinzani Burundi

Rais wa Burundi Pierre NkurunzizaHaki miliki ya pichaREUTERS
Image captionSerikali ya rais wa Burundi Pierre Nkurunziza inalaumiwa kwa kuuzima upinzani

Katika kipindi cha miezi miwili iliyopita, zaidi ya ofisi 10 za chama cha upinzani nchini Burundi – (CNL) zimekuwa zikiharibiwa ima kwa kuchomwa moto au kupakwa kinyesi cha binadamu.

Muakilishi wa chama hicho ameiambia BBC kuwa vitendo hivyo ni juhudi za kuzuwia demokrasia na kuutisha upinzani, kabla ya uchaguzi wa urais wa mwaka 2020.

Waziri wa mambo ya ndani wa Burundi hajathibitisha kuhusu vitendo hivyo.

Therence Manirambona, msemaji wa CNL ameieleza BBC namna ofisi zao za Bubanza, Cibitoke, Ngozi, Rumonge na Bujumbura zilivyoporwa, kuteketezwa kwa moto ima kupakwa kinyesi cha binadamu.

”Ofisi ya CNL Gatete iliyopo wilayani Rumonge, magharibi mwa Burundi, ndio ofisi ya hivi karibuni kushambuliwa kwa vitendo hivyo ambapo ofisi hiyo ilishambuliwa Jumanne Julai, kwa moto. ulioteketeza ofisi”, amesema Therence Manirambona.

Ofisi ya CNL
Image captionOfisi ya CNL

Mapema mwezi huu, Wachunguzi wa Tume ya haki za binadamu ya Umoja wa Mataifa kuihusu Burundi walitoa ripoti juu ya ‘ukiukaji mkubwa ‘ wa haki za kibinadamu nchini Burundi, unaoulenga upinzani.

Muwakilishi wa Burundi katika tume ya Umoja wa Mataifa mjini Geneva aliitaja ripoti hiyo kama ‘waraka wa uongo’.

Bwana Manirambona amesema kwamba “kuzipaka ofisi zao kwa kinyesi cha binadamu ni kitendo cha chuki isiyo ya kufikirika “.

Baadhi wa wanachama wa chama cha CNL wakiwa mbele ya ofisi yao iliyoharibiwa
Image captionBaadhi wa wanachama wa chama cha CNL wakiwa mbele ya ofisi yao iliyoharibiwa

Bwana Manirambona ameelezea kusikitishwa kwake na kwamba katika nchi yenye taasisi nyingi za usalama na upelelezi , hakuna mtu hata mmoja aliyekamatwa au hata kuhojiwa kuhusiana na vitendo hivyo viovu vinavyoendelea kwenye ofisi zao.

“Kwa hili , tunadhani kwamba hivi ni vitendo vya uchochezi wa kisiasa dhidi yetu, kwasababu katika ngazi za mwanzo baadhi ya watu wanasema kwamba CNL isingepaswa kuwa na ofisi katika maeneo yao ” amesema Manirambona.

Ripoti Shirika la Human Rights Watch iliyotolewa mwezi Juni 2019 inadai kuwa maafisa wa serikali ya Burundi na vijana wa Imbonerakure wanahusika na kupigwa, kukamatwa kiholela, kupotea na kuuwawa wapinzani tangu wa kweli mpaka wanaodhaniwa.

Ripoti ya Human Rights watch iliwashutumu vijana wa Imbonerakure na viongozi wa serikali za mikoa kuwaandama wanachama wa (CNL) katika mikoa isiyopungua 18
Image captionRipoti ya Human Rights watch iliwashutumu vijana wa Imbonerakure na viongozi wa serikali za mikoa kuwaandama wanachama wa (CNL) katika mikoa isiyopungua 18

Ripoti hiyo iliwashutumu vijana wa Imbonerakure na viongozi wa serikali za mikoa kuwaandama wanachama wa chama hicho kipya cha “Baraza la taifa kwa ajili ya Uhuru(CNL) katika mikoa isiyopungua minane kati ya 18 bila ya kuhofia adhabu yoyote.

Kulingana na ripoti hiyo, kampeni ya kuwaandama watu wanaotuhumiwa kukipinga chama tawala imekuwa ikiendelea tangu kura ya maoni ya katiba ilipoitishwa Mei mwaka jana. Hata hivyo kampeni hiyo inaonyesha kuzidi makali tangu chama kipya cha upinzani kiliposajiliwa mwezi wa Februari mwaka huu.

Lewis Mudge, mkurugenzi wa Human Rights Watch kwa eneo la Afrika Kati anasema matumizi ya nguvu yanayozidi kukithiri yamesababishwa na hali ya watu kutojali sheria ikiyoko nchini Burundi. Alivitaja visa vilivyoripotiwa kuwa ni sehemu ndogo tuu ya visa vinavyotokea na ambavyo haviripotiwi kutokana na kutokuwepo vyombo huru vya habari na mashirika ya kijamii

Tundu Lissu kupinga uamuzi wa kuufuta ubunge wake

Mwanasiasa wa upinzani nchini Tanzania Tundu Lissu amesema kuwa yuko tayari kupinga mahakamani uamuzi wa kumuondolea sifa ya ubunge kinyume cha sheria.

Katika waraka wa salamu alizozitoa kwa marafiki zake, Lissu amesema tangu alipopoteza ubunge, “sijasema maneno mengi sana, zaidi ya kusema kwamba tutaenda Mahakama Kuu kupinga uamuzi huo.”

“Kesi za ubunge, kama zilivyo kesi zote za uchaguzi wa kisiasa, ni kesi za kisiasa. Ni mwendelezo wa mapambano ya kisiasa katika uwanja tofauti. Kwa sababu hiyo, ni kesi nyeti na za kipekee sana. Zinahitaji umakini mkubwa katika kuziandaa na kuziendesha. Nina uzoefu mkubwa nazo, kwa sababu nimezifanya sana tangu 2005.”

Juni 28, 2019 Spika wa Bunge la Tanzania, Job Ndugai alilieleza bunge kuwa Lissu amepoteza sifa ya ubunge kwa sababu mbili, mkiwemo kutokujaza fomu za mali na madeni kwa viongozi wa umma na kutotoa taarifa ya wapi alipo.

“Sasa ninaweza kuwafahamisha kwamba mimi na timu ya mawakili wangu tuko tayari kuingia Mahakama Kuu ya Tanzania. Tutafanya hivyo muda wowote kuanzia leo. Maandalizi yote yanayohitajika yamekamilika,” amesema Lissu.

Bwana Job NdungaiHaki miliki ya pichaBUNGE
Image captionSpika wa Bunge la tanzania Job Ndungai

Amesema: ”Tunataka kuiomba Mahakama Kuu itoe jibu la swali alilouliza Spika Ndugai na walio nyuma yake: je, Spika wa bunge la Tanzania ana uwezo kikatiba na kisheria wa kufuta ubunge wa mbunge yeyote yule, kwa sababu yoyote ile, bila kumuuliza mbunge husika jambo lolote kuhusu sababu za kumfuta ubunge huo?”

Lissu ambaye aliwahi kuwa mnadhimu wa kambi rasmi ya upinzani bungeni nchini humo, siku ya Jumanne alieleza kwamba hatumii tena dawa wala magongo kutembea na baada ya Agosti 20, 2019 atakuwa tayari kurejea nchini mwake kutoka Ubelgiji aliko sasa.

Mwanasheria huyo mkuu wa chama kikuu cha upinzani Tanzania – Chadema, amesema amehitimisha matumizi ya dawa alizoanza kuzitumia tangu Septemba 7 mwaka 2017.

Lissu alianza kutumia dawa hizo Septemba 7 mwaka 2017 baada ya kushambuliwa kwa risasi zaidi ya 30 akiwa katika makazi yake Area D jijini Dodoma ambapo tangu wakati huo amekuwa akipatiwa matibabu nje ya nchi.

“Nitawajulisheni mara moja kesi hii itakaposajiliwa rasmi. Kama itawapendeza, nitawaomba mtakaopata nafasi kuhudhuria mahakamani, kwa niaba yangu, wakati wote kesi hiyo itakapokuwa inaendelea,” amesema

Lissu amesema kwa maelekezo ya madaktari wake Jumanne wiki hii ilikuwa siku ya mwisho ya mimi kutumia dawa ambazo alizitumia tangu siku aliposhambuliwa
Image captionLissu amesema kwa maelekezo ya madaktari wake Jumanne wiki hii ilikuwa siku ya mwisho ya mimi kutumia dawa ambazo alizitumia tangu siku aliposhambuliwa

Katika salamu hizo kwa marafiki zake alizozitoa Jumatano, Lissu ameanza kwa kuzungumzia afya yake akisema, “Leo Julai 31, 2019 ni siku ya kwanza tangu niliposhambuliwa Septemba 7, 2017, situmii dawa ya aina yoyote.”

“Kwa maelekezo ya madaktari wangu, jana (Jumanne) ilikuwa siku ya mwisho ya mimi kutumia dawa ambazo nimezitumia tangu siku niliposhambuliwa,” amesema mbunge huyo wa zamani wa Singida Mashariki.

“Na jana hiyo hiyo nilitimiza mwezi mzima tangu niache kutumia magongo. Ijapokuwa bado nachechemea kwa sababu ya goti kutokukunja sawasawa, sasa ninatembea bila msaada wa magongo,” amesema

Katika salamu hizo za waraka kwa marafiki zake , Lissu amesema, “Safari yangu na yetu, ndefu ya matibabu itakamilika Agosti 20,2019 nitakapokutana na timu ya madaktari wangu kwa ajili ya vipimo vya mwisho na ushauri. Baada ya hapo itakuwa ni maandalizi ya kurudi kwetu. Hakutakuwa na sababu tena ya kitabibu ya mimi kuendelea kukaa Ulaya.”

Ameeleza shukrani zetu kwa ushirikiano aliopata kutoka kwa umma katika safari ndefu iliyomkabili na kuongeza kuwa anamshukuru Mungu kwa hatua nzuri alikofikia.

“Mimi na familia yangu hatutachoka kuwashukuru sana kwa kuwa pamoja nasi katika kipindi chote hiki kigumu. Mungu awabariki sana.” amesema Lisu.

Kiongozi wa Chadema Freeman Mbowe alithibitisha kuwa Tundu Lissu alisema atarudi nchini Tanzania tarehe 07.09.2019 kuadhimisha siku ya kushambuliwa kwake
Image captionKiongozi wa Chadema Freeman Mbowe alithibitisha kuwa Tundu Lissu alisema atarudi nchini Tanzania tarehe 07.09.2019 kuadhimisha siku ya kushambuliwa kwake

Mnamo mwezi Mei mwaka huu katika mahojiano na Televisheni ya Chadema mwenyekiti wa chama hicho cha upinzani Chadema Freeman Mbowe alieleza kuwa Lissu amemuarifu kuwa atarudi nchini Tanzania tarehe saba mwezi wa tisa ili kuadhimisha kushambuliwa kwake.

”Nitatua tarehe saba mwezi Septemba 2019 kwenye ardhi ya Tanzania kwenye uchaguzi wa serikali za mitaa nitakuwepo” alisema Tundu Lissu

Tangazo hilo liliwafurahisha sana wanachama wa chama hicho waliokuwa katika makao makuu ya chama hicho.

Mbowe alisema kuwa utaratibu wa mapokezi yake utapangwa na kutangazwa kitaifa.

Tundu Lissu alipigwa risasi na watu wasiojulikana jijini Dodoma, katikati mwa Tanzania.

Kwa mujibu wa taarifa ya chama kikuu cha upinzani CHADEMA kwa vyombo vya habari, tukio hilo lilitokea wakati mbunge huyo wa Singida Mashariki alipokuwa nyumbani kwake.

Tundu Lisu ni miongoni mwa wanasiasa wa upinzani nchini Tanzania ambaye amekuwa mkosoaji mkubwa wa serikali ya Tanzania.

Ametangaza kwamba yuko tayari kuwania urais 2020 iwapo vyama vya upinzani vitamridhia kufanya hivyo.

Hamza Bin Laden: Mwana wa kiume wa Osama ‘amefariki’, yasema Marekani

 

Serikali ya Marekani iliahidi kutoa dola milioni 1 kwa ajili ya yeyote atakayetoa taarifa zitakazosaidia kutambua ni wapi alipoHaki miliki ya pichaCIA
Image captionSerikali ya Marekani iliahidi kutoa dola milioni 1 kwa ajili ya yeyote atakayetoa taarifa zitakazosaidia kutambua ni wapi alipo

Mwana wa kiume wa muasisi wa al-Qaeda Osama Bin Laden, Hamza,amefariki , kwa mujibu wa maafisa wa ujasisi wa Marekani.

Taarifa kuhusu mahala au tarehe ya kifo cha Hamza Bin Laden bado haijawa wazi katika ripoti ya chanzo hicho cha habari.

Mwezi Februari, Serikali ya Marekani iliahidi kutoa dola milioni 1 kwa ajili ya yeyote atakayetoa taarifa zitakazosaidia kutambua ni wapi alipo.

Hamza Bin Laden, anayedhaniwa kuwa na umri wa miaka 30, alikuwa ametoa jumbe za sauti na video akitoa wito wa kufanya mashambulio dhidi ya Marekani na nchi nyingine.

Ripoti zilitolewa kwanza na mashirika ya habari ya NBC na New York Times.

Hamza Bin Laden aliwatolea wito wapiganaji wa jihadi kulipiza kisasi mauaji ya baba yake aliyeuliwa na kikosi maalum cha Marekani nchini Pakistan mnamo mwezi Mei 2011.

Kadhalika alikuwa amewatolea wito watu wa rasi ya Arabia kulipiza kisasi. Saudi Arabia ilimyang’anya uraia mwezi Machi.

Aliaminika kuwa katika kifungo cha nyumbani nchini Iran lakini ripoti nyingine zilisema kuwa huenda alikuwa akiishi katika mataifa ya Afghanistan, Pakistan na Syria.

Wizara ya mambo ya nje ya Marekani ilisema kuwa nyaraka zilizokamatwa katika uvamizi wa mwaka 2011 raid katika nyumba ya baba yake ya Abbottabad, Pakistan, zinaonyesha kuwa Hamza Bin Laden alikuwa anaandaliwa kuchukua utawala wa al-Qaeda.

Vikosi vya Marekani pia viliripotiwa kubaini video hii ya harusi yake akimuoa binti wa afisa mwingine wa ngazi ya juu wa al-Qaeda ambayo ilidhaniwa kufanyika nchini Iran:

Video footage shows Hamza Bin Laden at his wedding

Baba mkwe wake alikuwa ni Abdullah Ahmed Abdullah au Abu Muhammad al-Masri, ambaye anatafutwa kwa madai ya kuhusika katika mashambulio ya ugaidi ya mwaka 1998 dhidi ya balozi za Tanzania na Kenya.

Al-Qaeda lilikuwa ni kundi lililotekeleza mashambulio mabaya ya ugaidi ya Septemba 11, 2001 dhidi ya marekani, lakini hadhi yake kwa sasa imeshukakatika kipindi ch amiongo kadhaa iliyopita baada ya kuibuka kwa umaarufu wa kundi la Islamic State.

Alikuzwa katika misingi ya kuichukia Marekani

Ni ishara ya jinsi taarifa kuna taarifa chache kumuhusu Hamza Bin Laden kiasi kwamba maafisa hawakuweza kuthibitisha umri wake.

Katika miezi ya hivi karibuni walisema kuwa huenda alikuwa nchini Afghanistan, Pakistan au Iran. lakini hawakuweza hata kusema ukweli hasa ni nchi gani mmoja wa watu ambao Marekani ”inawatafuta sana” anaishi.

Zawadi ya dola milioni moja juu ya yeyote atakayetoa taarifa kumuhusu ilikuwa ni hatua sio tu ya uwezekano wa hatari anayoweza kusababisha lakini pia ilikuwa ni ishara ya umuhimu kwa al-Qaeda na propaganda yao.

Hamza alikuwa ni mtoto pekee aliyekuwepo wakati baba yake aliposaidia kupanga nja za mashambulio ya Septemba 11 lakini, kwa mujibu wa wakuu wa kundi hilo lenye itikadi kali, alikuwa pamoja nae wakati wa mashambulio hayo.

Kwa mtoto wa kiume ambaye alikuwa akifundishwa kuichukia Marekani, kukwepa mauaji ya ulipizaji kisasi mikononi mwa kikosi maalumu lingekuwa ni jambo ambalo lingesalia akilini mwa watu.

Katika miaka ya hivi karibuni alituma jumbe za mtandaoni akitoa wito kwa mashambulio dhidi ya marekani na washirika wake.

Al-Qaeda: Taarifa muhimu

Osama Bin Laden near Kabul in 2001Haki miliki ya pichaGETTY IMAGES
Image captionOsama Bin Laden akiwa karibu na Kabul mwaka 2001
  • Alifahamika nchini Afghanistan katika miaka ya mwisho ya 1980 , kama mwarabu aliyejitolea kujiunga nakikosi cha Afghanstan kilichoungwa mkono na mujahideen kilichopigana kuvifukuza vikosi vilivyoteka eneo la Usovieti
  • Osama Bin Laden alianzisha shirika la kusaidia wa hudumu wa kujitolea, ambalo , ambalo lilikuja kutambuliwa kama al-Qaeda, au “ngome”
  • Aliondoka Afghanistan mnamo mwaka 1989, na kurejea tena mwaka 1996 kuongoza makambi ya mafunzo ya kijeshi ya maelfu ya waislamu kutoka mataifa ya kigeni.
  • Al-Qaeda ilitangaza “vita vitakatifu ” dhidi ya Wamarekani , wayahudi na washirika wao

Kimbunga Idai: Serikali ya Tanzania imetoa msaada wa dawa, chakula na vifaa vya kujihifadhi kwa nchi za Msumbiji, Malawi na Zimbabwe

Mji wa Beira
Tayari kuna hatari ya maisha ya zaidi ya watoto 100,000 na watu wazima kufuatia kimbunga hicho huku mito katika maeneo yaliothirika zaidi ikivunja kingo zake , kulingana na shirika la Save the Children.

Serikali ya Tanzania imetoa msaada wa dawa, chakula na vifaa vya kujihifadhi kwa nchi za Msumbiji, Malawi na Zimbabwe kwa ajili ya kuwasaidia waathirika wa kimbunga cha Idai kilichosababisha mafuriko yaliyozikumba nchi hizo tangu wiki iliyopita.

Msaada huo umekabidhiwa kwa Mabalozi wa nchi hizo na Waziri wa Mambo ya Nje na Ushirikiano wa Afrika Mashariki Prof. Palamagamba Kabudi na Waziri wa Afya, Maendeleo ya Jamii, Jinsia, Wazee na Watoto Ummy Mwalimu katika uwanja wa ndege wa Kimataifa wa Julius Nyerere Jijini Dar es Salaam.

Sehemu ya msaada huo utapelekwa nchi za Zimbabwe na Msumbiji unatarajiwa kusafirishwa kwa kutumia ndege za Jeshi la Ulinzi la Wananchi wa Tanzania (JWTZ).

Akizungumza wakati zoezi la kupakia msaada huo katika ndege ya Jeshi likiendelea Mhe. Prof. Kabudi amesema Rais wa Jamhuri ya Muungano wa Tanzania Mhe. Dkt. John Pombe Magufuli ameagiza kutolewa kwa msaada huo sambamba na salamu za pole kwa Marais wa Msumbiji, Malawi na Zimbabwe pamoja na wananchi wa nchi hizo kwa madhara makubwa waliyoyapata kutokana na mafuriko hayo.

Ramani ya maeneo yalioathirika na mafuriko

“Rais Magufuli baada ya kupata taarifa hizi na kuzungumza na Marais wenzake wa Msumbiji, Malawi na Zimbabwe, Tanzania imeona ni vyema kutokana na undugu wetu, umoja wetu na ujirani wetu tuweze kuwapelekea msaada angalau kidogo wa dawa na chakula na pia kuwapa pole kwa maafa haya makubwa yaliyowapata” amesema Prof. Kabudi.

Idadi ya watu waliofariki kutokana na kimbunga Idai nchini Msumbiji sasa huenda ikawa ya juu na kufikia watu 1000 rais Filipe Nyusi amesema.

Bwana Nyusi alisafiri kwa ndege katika maeneo yalioathirika zaidi siku ya Jumatatu. Alielezea kuona miili ikielea juu ya mito.

Tayari kuna hatari ya maisha ya zaidi ya watoto 100,000 na watu wazima kufuatia kikmbunga hicho huku mito katika maeneo yaliothirika zaidi ikivunja kingo zake , kulingana na shirika la Save the Children.

Helikopta za kijeshi zimetumiwa kusafirisha chakula cha msaada MalawiHaki miliki ya pichaAFP
Image captionHelikopta za kijeshi zimetumiwa kusafirisha chakula cha msaada Malawi

Mafuriko yaliofanyika mapema mwezi huu yamezidishwa na kimbunga Idai ambacho kilikumba eneo la kaskazini mwa Msumbiji mnamo tarehe 15 mwezi Machi 2019 na kusababisha unahiribifu mkubwa wa nyumba , shule, hospitali na miundo mbinu.

Kulingana na serikali ya Msumbiji takriban watu 600,000 wameathiriwa , huku maisha ya zaidi ya watu 1000 yakidaiwa kupotea huku yale ya watu 100,000 yakihitaji msaada wa dharura mjini Beira.

Kiwango cha janga hilo kinazidi kuongezeka kila dakika na shirika la Save the Children lina wasiwasi mkubwa kuhusu watoto na familia walio katika hatari huku viwango vya mafuriko vikizidi kuongezeka anasema Machel Pouw mkuu wa operesheni ya shirika hilo nchini Msumbiji.

Huge crater opened up by raine and floods

Kimbunga hicho kilishuka katika mji wa bandari wa Beira siku ya Alhamisi kikiwa na upepo wenye kasi ya hadi kilomita 177 kwa saa , lakini mashirika ya misaada yalifika katika eneo hilo siku ya Jumapili.

Mfanyikazi mmoja wa Umoja wa mataifa aliambia BBC kwamba kila nyumba mjini Beira- ambapo ni mji wenye makaazi ya watu nusu milioni iliharibiwa.

Gerald Bourke, kutoka kwa shirika la chakula duniani , alisema: Hakuna nyumba ambayo haikuathiriwa . hakuna Umeme, hakuna mawasiliano.

Barabara zimejaa magogo ya nyaya za umeme. Paa za nyumba zimeanguka pamoja na nyuta zake. raia wengi wa mji huo wamepoteza makaazi yao.

Idadi rasmi ya watu waliofariki nchini Msumbiji inadaiwa kuwa watu 84 kufuatia mafuriko na upepo mkali.

Kimbunga hicho kimewaua takriban watu 180 katika eneo lote la Afrika Kusini.

Shirika la msalaba mwekundu limeelezea uharibifu huo kuwa mbaya zaidi na wa kutisha. Watu wamelazimika kuokolewa wakiwa juu ya miti , Jamie LeSeur mkuu wa IFRC aliambia BBC.

Baadhi ya watu walikuwa wametafuta hifadhi juu ya miti

Watu 1000 wahofiwa kufariki kutokana na kimbuga Msumbiji

Nchini Zimbabwe takriban watu 98 wamefariki huku 217 wakiwa hawajulikani waliko mashariki na kusini serikali imesema.

Idadi ya watu waliofariki inashirikisha wanafunzi wawili wa shule ya St Charles Lwanga katika wilaya ya Chimanimani, ambao walifariki baaada ya bweni lao kuathiriwa kutokana na mawe yaliosombwa na maji hayo katika mlima.

Nyumba zilizosombwa na mafurikoHaki miliki ya pichaAFP
Image captionNyumba zilizosombwa na mafuriko

Malawi pia nayo iliathiriwa vibaya . Mafuriko nchini humo yaliosababishwa na mvua kabla ya kimbunga hicho kuwasili yalisababisha mauaji ya vifo 122 kulingana na mitandao ya mashirika ya misaada.

Serikali ya Uingereza inasema kuwa itatoa msaada wa kibinaadamu wenye thamani ya £6m kwa Msumbiji na Malawi.

Pia imesema kuwa itatuma mahema pamoja na maelefu ya mahema nchini Msumbiji.

Uharibifu wa Beira ni mkubwa kiasi gani?

Wengi wa wale wanaojulikana kufariki waliuawa karibu na mji wa Beira , ambao ndio mji mku wa nne kwa ukubwa ukiwa na idadi ya watu isiopungua nusu milioni kulingana na mamlaka.

Zaidi ya watu 1500 walijeruhiwa na miti pamoja na vifusi vilivyoanguka ikiwemo paa , kulingana na maafisa katika mji mkuu wa Maputo waliozunguzma na BBC.

”Karibu kila kitu kimeathiriwa na janga hili” , Alberto Mondlane , gavana wa mkoa wa Sofala unaoshirikisha Beira alisema siku ya Jumapili. Tuna watu wanaotaabika kwa sasa , wengine juu ya miti na wanahitaji sana msaada.

Mji wa bandari wa Beira uliathirika pakubwa na kimbunga hicho.Haki miliki ya pichaAFP
Image captionMji wa bandari wa Beira uliathirika pakubwa na kimbunga hicho.
Picha ya juu ya mji wa BeiraHaki miliki ya pichaIFRC/CAROLINE HAGA
Image captionShirika la msalaba mwekundi lilisafri kwa ndege likichunguza uharibifu wa kimnbunga hicho mjini Beira

”Wakaazi wa Beira wamefanya juhudi za kujaribu kufungua barabara za mji huo”, bwana LeSeur aliambia BBC.

Barabara inayounganisha Beira na maeneo mengine ya taifa hilo iliharibiwa vibaya, lakini usafiri wa ndege hadi maeneo yalioathirika pakubwa umeanzishwa.

Rais Filipe Nyusi alikata ziara yake ya Swaziland ili kutembelea maeneo yalioathirika.

Je hali ikoje nchini Zimbabwe?

Hali ya janga imetangazwa nchini Zimbabwe . Rais Emmerson Mnangagwa amerudi nyumbani mapema kutoka kwa ziara ya kuelekea UAE ili kuhakikisha kuwa anashiriki moja kwa moja katika janga hilo la kitaifa , mamlaka imesema.

Wizara ya habari imesambaza picha za wanafunzi kutoka shule ya St Charles Lwanga , ambao kwa sasa wameokolewa.

Presentational white space

Manusura katika hospitali moja katika wilaya ya Chimanimani walizungumza kuhusu vile mafuriko hayo yalivyoharibu nyumba zao na kuwasomba wapendwa wao.

”Hadi sasa sijui ni wapi mwangu yupo” , Jane Chitsuro aliambia shirika la habari la AFP . ”hakuna samani , hakuna nguo ni vifusi na mawe pekee’.

Nyumba ya Praise Chipore pia nayo iliharibiwa .

”Mwanangu alikuwa nami kitandani akasombwa na mafuriko huku mafuriko makubwa yakinisomba mie pia”, alisema.

Praise Chipore, 31, alikuwa akiemndelea kupata matibabu hospitalini ChimanimaniHaki miliki ya pichaAFP
Image captionPraise Chipore, 31, alikuwa akiemndelea kupata matibabu hospitalini Chimanimani
Presentational grey line

Je umewahi kuona tukio kama hili hapo awali

Mwandishi wa BBC Shingai Nyoka, nchini Zimbabwe anaripoti.

Safari yangu kuelekea Chimanimani iliisha ghafla wakati tulipofika katika eneo hili .

Maji ya mto yalikuwa yakipita kwa nguvu huku watu kadhaa wakiwa wamesimama katika pande mbili za daraja hili.

Shimo kubwa lililosababishwa na mafuriko

Hii ndio iliokuwa barabara kuu iliokuwa ikiunganisha mji wa Mutare kuelekea kijiji cha Chimanimani ambayo imekatwa .

Mashirika ya misaada yameshindwa kufika katika eneo hilo. Wakaazi wanaoishi katika eneo hilo wanasema kuwa hawajashuhudia tukio kama hilo.

Wanandoa wawili walio na umri mkubwa , Edson na Miriam Sunguro waliniambia kwamba wamejaribu kuwasiliana na wapendwa wao katika eneo la Chimanimani bila mafanikio.

Presentational grey line

Je hali ya hewa itabadilika?

“Kuna hatari ya mvua kubwa zaidi kunyesha katikja kipindi cha siku chache zijazo katika eneo la kaskazini mwa Msumbiji pamoja na kusini mwa Malawi , kulingana na mwandishi wa hali ya hewa wa BBC Chris Fawkes says.

Huenda kukawa na ngurumo za radi , aliongezea, lakini kuna picha za mawingu yaliowachwa na Kimbunga idai ambayo huenda yakazuia ngurumo za radi kuanza.

Kenya: Raia watumia mitandao ya kijamii kuitaka serikali iwajibike na baa la njaa

Mama mzee ambaye amekumbwa an ukame eneo la Turkana nchini Kenya
Wazee, watoto, wanawake wajawazito na watu wenye ulemavu wanaendelea kuumia kutokana na ukosefu wa chakula na maji.

Huku Wakenya wakiendelea kujadili haja ya serikali kushughulikia ukame, makali ya njaa yanaendelea kushuhudiwa katika kaunti ya Turkana ambayo imekumbwa na ukame.

Chini ya #WeCannotIgnore , Wakenya kupitia mitandao ya kijamii wamekuwa wakiitaka serikali ichukua hatua juu ya njaa inayoendelea kusababisha vifo .

Mjadala huo unaendelea huku idadi ya watu waliokufa kutokana na njaa ikipanda ambapo shule zimelazimika kufungwa huku wanafunzi wakiwafuata wazazi wao kwenye maeneo ya misitu kutafuta chakula.

Wakenya wanauliza ‘Ni nini kilitokea kwa mfumo unaotoa taarifa za mapema za maafa?’ na kwanini Wakenya wanakabiliana na njaa, katika nchi ambayo usalama wa chakula imekuwa ndio ajenda inayopewa kipaubele zaidi?.

Wazee, watoto, wanawake wajawazito na watu wenye ulemavu wanaendelea kuumia kutokana na ukosefu wa chakula na maji.

”Kila kijiji ninachotembelea, nakutana na kina mana na watoto pekee, hali yao ya afya ikiwa imedorora kabisa. Mifupa kwenye miili yao inaonekana ishara kuwa wamestahimili njaa kwa siku kadhaa” amesema mwandishi wa BBC Faith Sudi aliyetembelea eneo la Turkana. na kuongeza kuwa hata miti ya miiba ambayo inajulikana kustahimili na kushamiri katika mazingira ya jangwa imekauka.

Masomo ni miongoni mwa huduma ambazo zimekatizwa katika vijiji vingi ambavyo ukame umekithiri.

Katika shule ya msingi ya Lotukumo iliyoko katika kaunti ndogo ya Turkana ya Kati, wanafunzi wa darasa la nane pekee ndio wako madarasani kwa wote.

“Kwa sababu ya ukosefu wa chakula, wanafunzi wengi wanajiunga na wazazi wao kutafuta chakula popote watakapopata, kwa hiyo hawawezi kufika shuleni” anasema mwalimu mkuu wa shule hiyo Ebong’on Charles.

Mbunge Mwakilishi wa Wanawake katika kaunti ya Turkana Joyce Emanikor.
Image captionMbunge Mwakilishi wa Wanawake katika kaunti ya Turkana Joyce Emanikor anasema baa la njaa linapaswa kuwa historia nchini Kenya.

Darasa la pili ambalo kwa kawaida huwa na wanafunzi 70, liko na wanafunzi 11 pekee.

Darasa la kwanza halina mwanafunzi hata mmoja kwa muda wa wiki mbili sasa.

Katika kijiji cha Nadoto, nyumba nyingi havina watu. Waliobakia katika maboma ni wanawake hasaa wajawazito, wakongwe na watoto wadogo.

Bi Selina Ebei ana mimba ya miezi saba lakini amelazimika kulala siku kadhaa bila chakula.

“Kutokana na hali yangu siwezi kwenda mwituni kila siku kutafuta matunda ya Mkoma kwa sababu ni mbali na jua pia ni kali mno. Wakati mwingine ninakaa siku tano bila kutia chochote mdomoni.”

Mzee akinywa maziwa ya paketi ya msaada eneo la Turkana
Image captionKatika kijiji kimoja nyumba nyingi hazina watu wamebakia wanawake hasaa wajawazito, wazee na watoto wadogo, huku wanaume wakienda msituni kutafuta matunda mwitu

Selina ana mtoto mdogo mwenye umri wa miaka miwili na ambaye pia anamtegemea.

“Mikoma niliyochuna ikiisha, tunakaa njaa tu hadi nitakapojikaza tena kwenda mwituni kuchuma Mikoma ingine. Ninambeba huyu mwanangu mgongoni na kutembea mwendo mrefu kwa sababu hakuna mtu ambaye ninaweza kumwachia amchunge.”

“Tunayachemsha na kukunywa supu yake”

Wanaume hawako vijijini kwani wameenda na mifugo kwenye milima kuwatafutia chakula

Mbunge Mwakilishi wa Wanawake katika kaunti ya Turkana anasema kwamba wakati huu ambapo kuna serikali ya Kaunti, baa la njaa linapaswa kuwa historia.

“Ni aibu sana watu kufariki kutokana na baa la njaa katika kaunti ambayo inapokea mgao mkubwa wa mapato. Serikali ya Kaunti iko na uwezo mkubwa kuhakikisha wakaazi wanapata chakula cha kutosha wakati wa janga Kama hili”. Anasema Joyce Emanikor.

Kulingana na ripoti kutoka Kwa Wizara ya Majanga na huduma Kwa umma ya kaunti ya Turkana, wakaazi wengi katika kaunti ya Turkana hutegemea ufugaji ili kujikimu kimaisha.

Kwa sasa zaidi ya mifugo 30,000 wamefariki na wengine zaidi ya 100,000 wamehamishwa nchi jirani ya Uganda.

“Tumepoteza mifugo wengi kutokana na ukosefu wa usalama, kisha wale mifugo wadogo ambao wamesalia wanauawa na ukame. Ni sharti serikali ya Kaunti hii irejelee bajeti yake ili kuhakikisha kwamba inazingatia zaidi mahitaji ya wakaazi wa eneo hili. Na iwapo fedha zitatengwa kushughulikia ukame zisifujwe.” anasema Joyce Emanikor.

Naibu rais wa Kenya William Ruto amepuuzilia mbali madi kuwa watu wamekufa kutokana na njaa nchini Kenya
Image captionNaibu rais wa Kenya William Ruto alisema kuwa Kenya iko katika fursa nzuri sasa ya kukabiliana na ukame ikilinganishwa na miaka iliyopita.

Serikali hata hivyo imekanusha taarifa kwamba watu kadhaa wamekufa kutokana na njaa inayosababishwa na ukame ambao kwa sasa umeyaathiri maeno ya kaskazini magharibi mwa nchi .

Waziri wa tawala za kaunti Eugene Wamalwa amesema kulikuw ana vifo , lakini akaongeza kuwa haviwezi kuhusishwa na ukame.

Mwisoni ma juma, gazeti la, Daily Nation nchini humo liliripoti kuwa watu kadhaa walikufa kutokana na matatizo yenye uhusiano na njaa katika eneo la Tiaty kaunti ya Baringo.

Gazeti hilo lilisema familia zilizoathirika zilikuwa zinaishi kwa matund ya mwitumi ambayo yanachemshwa kwa saa kadhaa ili kumaliza sumu iliyomo kwenye matunda hayo.

Wakati huo huo Naibu rais wa Kenya William Ruto alisema kuwa Kenya iko katika fursa nzuri sasa ya kukabiliana na ukame ikilinganishwa na miaka iliyopita na akapinga madai kwamba watu wamekufa kutokana na njaa.

Ruto alisema kuwa nchi inachakula cha kutosha na kuongeza kuwa hakuna haja ya kuwa na hofu.

Ugoro huwekwa sehemu za siri ukichanganywa na mafuta na magadi

Ugoro
Baadhi ya wanawake Tabora hutumia ugoro kupunguza hamu ya tendo la ndoa

waswahili husema ukistaajabu ya musa utaona ya Firauni, Je unajua matumizi yote ya tumbaku ?

Mkoani Tabora nchini Tanzania wanawake wamekua wakitumia Tumbaku ili kupunguza hamu ya tendo la ndoa. Huweka sehemu ya siri kisha kuitoa baada ya muda.

Tabia hiyo imezoeleka sana miongoni mwa wanawake wasio na wenza wao, ikiwemo wajane. Lakini kwa upande wa afya, wako salama?

Wanawake hususani wasio kuwa katika uhusiano na wanaume ama kuolewa hutumia njia kumaliza hamu zao.

Je unayajua matumizi ya nyuklia kando na kuunda mabomu?

Fahamu vyanzo vya vifo vingi duniani?

”Mimi ni mjane, natumia tumbaku katika kumaliza hamu zangu kwasababu sina mwanaume na wala sitaki mwanaume mwingine, kwa wiki naweka mara mbili” anasema Zaituni shabani mmoja ya wanawake wanaotumia tumbaku sehemu za siri.

Wanawake wengine nilizunguma nao kama asha, si jina lake halisi anasema kuwa anatumia tumbaku kwasababu alikimbiwa na mwanaume wakati ana ujauzito.

” kwakeli sitaki kusikia tena wanaume mi nitabaki na tumbaku, mana nikitumia hamu yote inaisha sina haja tena” anasema asha

Wanawake wote niliozunguma nao wanakiri kuwa matumizi ya tumbaku sehemu za siri huwasaidia kumaliza hamu ya tendo la ndoa.

Tumbaku
Image captionTumbaku ikiwa shambani

TUMBAKU INATUMIWA VIPI SEHEMU ZA SIRI?

Kwa mujibu wa wanawake hawa huchukua majani makavu ya tumbaku kisha kutangwa na baada ya hapo huchanganya na mafuta kidogo pamoja na magadi, ama na mara nyingine hutumia ugoro kufanya mchangayiko huo. Baada ya hapo huweka sehemu za siri na kisha hupata muwasho ambao ndio humaliza haja ya tendo la ndoa.

” mi huwa napaka mara mbili kwa wiki na huwa naweka kwa muda kidogo kabla niondoe na kisha napata muwasho, na wala sipati maumivu yoyote nikimaliza matamanio yangu ya kufanya tendo la ndoa yanakua yameisha” anasema zaituni.

Kwa kawaida wanawake hawa baada ya kupaka tumbaku ama ugoro sehemu za siri husikia kama wamekutana kimwili na wanaume.

WANAUME WANASEMA NINI?

Katika kijiji cha ugala suala hili ni jambo la kawaida miongoni mwa wanawake lakini kwa upande wa wanaume si wengi wanajua , na wanaojua wanasema kuwa imekua siri baina ya wanawake.

“Mimi nimekua nikisia lakini mara nyingi ni kwa bahati mbaya wao wakiongea, na nikuwaliza , wanasema ni siri yao ni baina ya wanawake na si wanaume”. Anasema mzee Usantu mmoja wa wakazi wa kijiji cha Ugala.

Wanawake hawana uelewa wa kutosha kuhusu athari za tumbaku
Image captionWataalamu wa magonjwa ya wanawake wanasema matumizi haya yana athari kiafya

KUNA ATHARI ZOZOTE KIAFYA?

Kwa mujibu wa baadhi ya wanawake wanaotumia tumbaku sehemu zao za siri, wanasema hawajawahi kupata tatizo lolote kiafya.

Lakini mtaalamu wa magonjwa ya akina mama anasema kuwa baadhi ya wanawake wanaokutwa na viashiria vya saratani hasa ya kizazi wamekua na historia ya kutumia tumbaku sehemu za siri

“Hatuna utafiti wa moja kwa moja lakini data za kwetu hapa wakati tunawahoji tabia za mazoea walizonazo baadhi wamekiri kutumia tumbaku , hivyo hiyo inaweza kuwa miongoni mwa sababu na kama viashiria vingine vikiwepo” anasema daktari…

Matumizi haya ya tumbaku kwa asilimia kubwa yamechangiwa na uelewa mdogo wa wanawake wa kijiji cha ugala, juu ya madhara ya kiafya wanayoweza kupata.

Ethiopia Airline yasitisha safari za Boeing 737 Max 8, Mkurugenzi aeleza

Boeing 737 Max

Mkurugenzi wa shirika la Ndege la Ethiopia ametaka kusitishwa kwa ndege aina ya Boeing 737 Max 8 mpaka itakapothibitishwa kuwa ziko salama kuruka

Nchi nyingi tayari zimesitisha kurusha ndege hizo baada ya ajali ya siku ya Jumapili iliyogharimu maisha ya watu 157.

Tewolde Gebremariam ameiambia BBC kuwa ingawa sababu ya ajali hiyo haijajulikana bado, kuna ufanano na ile ajali ya ndege ya Lion Air mwezi Oktoba mwaka jana.

Lakini maafisa nchini Marekani wanasema ndege hiyo ni salama.

Marekani: Boeing 737 Max 8 ni salama

Mamlaka ya anga nchini Marekani imesema ”hakuna tatizo lolote katika ufanyaji wake kazi” na kuwa hakuna sababu ya msingi ya kusitisha safari zake.

Mabaki ya Ndege iliyopata ajaliHaki miliki ya pichaGETTY IMAGES
Image captionUchunguzi ukifanywana wataalamu katika eneo ajali ya Ndege ilipotokea

‘Kusitisha safari za ndege ni hatua nzuri’

Bwana Tewolde amesema Boeing na mamlaka ya anga nchini Marekani FAA wanaweza kuwa na sababu ya kusema kuwa 737 Max 8 ni salama.Lakini ”tahadhari kubwa” ilihitajika na wale waliositisha kuruka kwa ndege hiyo bila shaka wana sababu ya kufanya hivyo.”

Ndege zote zilikua mpya na ndege zote zilianguka dakika chache baada ya kuruka alieleza

Mamlaka za anga ikiwemo za Umoja wa Ulaya,Hong Kong,Singapore,China na Australia, zimesitisha ndege za 737 Max kuruka kwenye anga zake

Bwana Tewolde amesema mamlaka hizo zina sababu nzuri ya kufanya hivyo kwa kuwa usalama ni jambo muhimu na ”kusitisha safari ni jambo la jema”.

Wakati hayo yakijiri, wanasiasa kadhaa wa Marekani wametoa wito kwa FAA kusitisha safari za ndege aina hiyo kwa muda mpaka pale itakapothibitishwa .Lakini FAA imesema mamlaka zingine hazijatoa data zinatakazofanya Marekani ichukue hatua hiyo

Boeing imesema kuwa ina uhakika kuwa ndege ilikua salama kuruka.

Shirikisho la wafanyakazi wa ndege CWA limetaka kusitishwa kwa ndege 737 MAX kwa ” tahadhari” Umoja wa marubani umesema wanachama ambao wanawasiwasi kuhusu usalama hawatalazimishwa kurusha ndege hizo.

Southwest Airlines na American Airlines wanaendelea kutumia ndege hizo.

Kylie Jenner amekuwa bilionea mwenye umri mdogo zaidi duniani

Kylie Jenner

Kylie Jenner amekuwa bilionea mwenye umri mdogo zaidi duniani, kwa mujibu wa orodha ya mabilionea ya gazeti la Forbes.

Kylie ambaye ndiye mdogo zaidi katika familia ya Kardashian amepata utajiri wake kutokana na biashara ya vipodozi.

Akiwa na umri wa miaka 21-alianzisha na anamiliki kampuni ya vipodozi ya Kylie Cosmetics, biashara ya urembo ambayo imedumu kwa miaka mitatu sasa na kuingiza mapato ya takriban dola milioni $360m mwaka jana.

Alifikia mafanikio haya mapema kuliko muasisi wa mtandao wa kijamii wa Facebook Mark Zuckerberg ambaye alikuwa bilionea akiwa na umri wa miaka 23.

“Sikutarajia chochote. Sikujua hali ya baadae.

“Lakini kutambuliwa inafurahisha. Ni jambo zuri la kunitia moyo,” Bi Jenner aliliambia jarida la Forbes.

Shughuli zakwama katika uwanja wa ndege Kenya

Orodha ya Forbes inaonyesha muasisi wa The list shows Amazon , Jeff Bezos, akiendelea kushikilia nafasi ya kwanza kwa binadamu tajiri zaidi duniani.

Jumla ya utajiri wake ni dola bilioni $131 ,kulingana na jarida la Forbes, ameongeza hadi dola bilioni 19bn kutoka mwaka 2018.

Lakini kiwango cha mapato ya mabilionea wote kwa ujumla kimeshuka kutoka dola trilioni $9.1

Miongoni mwa mabilionea ambao utajiri wao unapungua ni muanzilishi wa Facebook Mark Zuckerberg.

Umeshuka kwa dola bilioni $8.7bn katika kipindi cha mwaka uliopita ulishuka kwa dola bilioni $62, kwa mujibu wa orodha ya jarida la Forbes

Hisa zake katika Facebook wakati mmoja zilipungua kwa thamani yake ya theluthi moja wakati kampuni ilipokua ikikabiliana na kashfa. Hisa za kampuni ya mauzo ya mtandaoni ya Amazon zimefanya vizuri na hivyo kuboresha akaunti za benki za Bwana Bezos na mwanya kati yake na Bill Gates, ambaye yupo katika nafasi ya pili ni mpana kiasi, ingawa utajili wa bwana Gates umepanda kwa doala $96.5bn kutoka dola $90bn alizokuwa nazo mwaka jana.

Kwa mabilionea wote waliotajwa kwenye orodha hiyo ni wanawake 252 tu na mwanamke tajiri zaidi aliyejitafutia utajiri mwenye ni mogul Wu Yajun wa Uchina kupitia kampuni yake ya makazi , akiwa na utajiri wenye thamani ya takriban dola bilioni $9.4bn.

Idadi ya wanawake waliojitafutia utajiri wao imeongezeka kwa mara ya kwanza na kufikia hadi wanawake 72 kutoka wanawake 56 mwaka jana.

Mkurugenzi Mkuu wa Amazon Jeff BezosHaki miliki ya pichaREUTERS
Image captionJeff Bezos – bado ni tajiri anayeendelea kuwa tajiri

Orodha ya jarida la The Forbes ya mabilionea ni kielelezo cha utajiri cha tarehe 8 Februari 2019.

Gazeti hilo hutumia viwango vya bei katika masoko ya hisa vya siku hiyo na viwango wa mauazo ya pesa kutoka kote duniani.

Kulingana na Forbes kuna mabilionea wachache wakiwemo takribani 2,153 miongoni mwao wakiwa katika orodha ya mwaka 2019, kiwango hicho kikiwa kimeshuka ambapo mwaka 2018 vwalikuwa 2,208 . Kwasehemu moja , hii inaelezea ni kwa nini wastani wa utajiri wao ni sawa na thamani ya dola $4bn, ikiwa ni chini ya dola bilioni 4.1bn.

Forbes pia ilibaini kwamba mabilionea 994 miongoni hali yao ya utajiri sio nzuri ikilinganishwa na mwaka jana.

Luisa Kroll, ambaye ni naibu mhariri wa masuala ya utajiri katika jarida la Forbes, amesema: “Hata nyakati za mtikisiko wa uchumu na raslimali mjasiliamali hupata njia za kupata utajiri .”

Mabilionea duniani

Watu wenye utajiri zaidi duniani

Kuna raia 52 wa Uingereza kwenye orodha. Walioko juu ni Hinduja brothers, Srichand na Gopichand, ambao wanamiliki Hinduja Group, wakiwa na jumla ya utajiri wenye thamani ya dola bilioni $16.9bn.

Nyuma yao ni James Ratcliffe, muasisi wa kampuni ya kemikali ya Ineos, mwenye utajiri wa dola bilioni $12.1bn, ambaye ametajwa kama tajiri binafsi.

Jim RatcliffeHaki miliki ya pichaREUTERS
Image captionJim Ratcliffe humiliki asilimia 60% ya kampuni ya Ineos, kampuni ya kemikali aliyoianzisha

Tajiri mwingine anayeibuka ni Safra Catz ambaye ni Mkurugenzi mwenza wa kampuni ya programu ya Oracle, ambaye kwa mujibu wa jarida la huingiza mapato ya dola milioni $41m ya mshahara na ameorodheshwa kama mmoja wa wakurugenzi wanawake wanaolipwa mshahara mkubwa zaidi duniani.

Mark ZuckerbergHaki miliki ya pichaGETTY IMAGES
Image captionHisa za kampuni ya Facebook ziliporomoka na kupunguza utajiri wa Mark Zuckerberg

Marekani ina mabilionea 607, idadi hiyo ikiwa ni kubwa kuliko nchi nyingine yoyote duniani.

Uchina inachukua nafasi ya pili ikiwa na mabilionea 324. Lakini orodha ya mabilionea imeshuhudia mabadiliko makubwa – ina mabilionea wapya 44 kwenye orodha huku 102 wakitoka kwenye orodha hiyo.

Kuhuka kwa thamani ya euro kumewaponza mabilionea wa Ulaya ambao hawakujitokeza kwa wingi kwenye orodha ya matajiri wa dunia, huku wakionekana wawili tu miongoni mwa watu 20 tajiri zaidi dunia. : Mkurugenzi mkuu wa kammpuni ya Ufaransa ya bidhaa za burudani LVMH Bernard Arnault (aliwekwa nafasi ya 4), na muasisi wa kampuni ya Index inayomiliki maduka kama Zara-Amancio Ortega (akaorodheshwa katika nafasi ya 6 ).

Forbes linasema kuwa watu 247waliokuwemo kwenye orodha ya mabilionea mwaka jana kwa sasa wametoka. Miongoni mwao ni Domenico Dolce na Stefano Gabbana, wanamitindo na waanzilishi wa Dolce & Gabbana.

Mwenyekiti wa kampuni ya usambazaji wa bidhaa Li & Fung, Victor Fung, pia hayupo tena miongoni mwa mabilionea wa jarida la Forbes, baada ya kuwepo kwenye ododha hiyo kwa miaka 18

Rais wa Algeria Bouteflika, amesema hatagombea muhula mwigine wa Urais

Abdelaziz Bouteflika

Rais wa Algeria Abdelaziz Bouteflika, amepeleka mbele uchaguzi wa urais uliotakiwa kufanyika tarehe 8,april na kusema kuwa hatagombea tena,

Nia ya kugombea kwake ilizuia maandamano ya nchi nzima kwa wiki kadhaa sasa.

Ameongoza Algeria kwa miaka 20 sasa, lakini hajaonekana muda mrefu katika maeneo ya wazi , kutokana na ugonjwa wa kiharusi alioupata mwaka 2013.

Tarehe mpya ya uchaguzi haijatajwa bado, mabadiliko katika baraza la mawaziri yatafanyika hivi karibuni, taarifa iliyotolewa kwa niaba ya Bouteflika imetoa maelezo hayo.

Hakukua na tamko kuwa rais huyo atajiuzulu kabla ya tarehe mpya ya uchaguzi.

Rais BouteflikaHaki miliki ya pichaAFP
Image captionwaandamanaji wakitumia picha za kukejeli kwa Rais Bouteflika

Wakati huo huo, waziri mkuu wa Algeria Ahmed Ouyahia alijiuzulu na nasafi yake kuchukuliwa na waziri wa mambo ya ndani Noureddine Bedoui ambaye anakumbwa na kazi kubwa ya kutengeneza serikali mpya.

Bouteflika alisema nini?

”hakutakua na muhula wa tano” ilisema taarifa kutoka kwa Rais Bouteflika, ”hakuna maswali katika hilo, ukizingatia hali yangu ya kiafya, na umri wangu, kazi yangu ya mwisho kwa watu wa Algeria ni kuhakikisha wanapata uongozi mpya” aliendelea kusema katika taarifa yake.

Alisema wiki iliyopita kuwa kama atachaguliwa tena hatokaa sana madarakani atajiuzulu, lakini tamko hilo halikuacha watu kuandamana.

maandamanoHaki miliki ya pichaAFP
Image captionMaandamano yalihamasishwa kupitia mitandao ya kijamii

Tamko la kutogombea kwa rais Bouteflika, limepongezwa na mataifa mengine, ikiwemo Ufaransa, ambapo waziri wa mambo ya nje, Jean-Yves Le Drian amesema ufaransa imefurahishwa na uamuzi huo na kuwa ni wakati wa kupata serikali mpya.

Kiongozi wa kwenye TV

Kwa mara ya mwisho alionekana akihutubia Umma mwaka 2014 -hotuba ya shukrani kwa raia wa Algeria kwa kuuamini utawala wake baaa ya kushinda uchaguzi uliokuwa umetangulia.

Aliahidi kutekeleza suala la mgawanyo wa madaraka, kuupa nguvu upinzani na kuhakikisha haki za raia zinafuatwa.

Baadhi waliona kuwa hii ni ishara ya mabadiliko ya sera katika uongozi , lakini hakua ushahidi wa kuonekana kwake kwa muda mrefu.

Raia wa nchi hiyo wamekua wakibahatika kumuona mara chache kwenye Televisheni akisalimiana na ujumbe kutoka nchi za kigeni wanaofika nchini Algeria.

Au kumuona kwenye ufunguzi wa mkutano mwaka 2016-akionekana amekaa kwenye kiti cha magurudumu, akionekana dhaifu, mwenye uchovu lakini mwenye tahadhari

Mpaka mwaka 2018,ikawa wazi kuwa Chama chake kimempendekeza kuwania tena uchaguzi wa mwaka huu.

Alikua kwenye ufunguzi wa Msikiti na vituo vya treni za umeme katika mji mkuu wa Algiers.Wiki chache baadae alikua kwenye ziara kutazama ujenzi wa Msikiti mkubwa wa tatu duniani uliogharimu dola za Marekani bilioni mbili.

wanda imesisitiza kuwa haijafunga mpaka baina yake na Uganda

Waziri wa mambo ya nje wa Rwanda, Richard Sezibera amekanusha ripoti ya kwamba taifa hilo limefunga mpaka kati yake na Uganda.

Sezibera alisema hayo katika mkutano wake na waandishi wa habari katika makao makuu ya wizara ya mambo ya nje mjini Kigali mapema leo Jumanne.

”Shughuli ya ujenzi wa barabara katika mji wa mpakani wa Gatuna umefanya magari kuelekezwa katika mpaka wa Kagitumba,”

Waziri huyo alinukuliwa katika Twitter yake rasmi ya kazi akiongeza kuwa ujenzi huo utakamilika mwezi Mei mwaka..

Kuhusiana na uhusianao wamataifa hayo mawili alisema: “Uhusiano wetu kwa sasa sio mzuri vile lakini tunashughulikia hilo”

Bwana Sezibera aliongeza kuwa Rwanda inaendelea na majadiliano na majirani zake kuhusiana na masuala kadhaa ikiwa ni pamoja na kuzuiliwa kiharamu kwa raia wake nchini Uganda.

Image captionUjenzi wa barabara katika mpaka wa Gatuna upande wa Rwanda

Alisema kuwa suala la kuunga mkono makundi yaliyojihami yanayopinga Rwanda pia ni baadhi ya mambo yanayojadiliwa.

Wizari Sezibera pia amekanusha ripoti ya vyombo vya habari kuwa zinazodai kuwa taifa hilo limepeleka vikosi maalum vya kijeshi katika mpaka wake na Uganda tangu ilipochukua hatua ya kuifunga.

“Hakuna wanajeshi waliyopelekwa mpakani. Hakuna ubaya wowote ikiwa Rwanda imeamua kuimarisha usalama wa mpaka wake japo hilo halijafanyika.”, alisema.

”Nataka kuwahakikishia wanyarwanda kuwa wako salama!”

Huku hayo yakijiri Uganda imeishutumu Rwanda kwa kufunga mipaka baina ya nchi hizo mbili.

Alhamisi iliyopita mamlaka ya mapato ya Rwanda iliamrisha maroli ya mizigo kutotumia tena mpaka wa Gatuna kwa madai ya shughuli za ujenzi wa kituo kimoja cha mpakani ‘one stop border’ baina yake na Uganda.

Mkwamo wa shughuli katika mpaka wa Rwanda Uganda.

Eneo hilo lina umuhimu mkubwa kibiashara kieneo.

Ni eneo ambalo huruhusu kupita kwa bidhaa kutoka mji mkuu wa Uganda Kampala, au Mombasa pwani ya Kenya.

Wakaazi hapo wanasema ni kama ‘ghala kwa biashara kutoka maeneo hayo’.

Akizungumza na BBC, Diwani Abel Bizimana katika eneo la Kisoro anaeleza kwamba, ‘Hali haijabadilika. Tunaathirika kama viongozi wa kieneo, kama jumuiya ya wafanyabiashara na wateja pia tunaowahudumia.’

Abel ameeleza kuwa maisha yamebadilika pakubwa.

Kutokana na matatizo ya kibiashara na udhibiti wa watu kutoka na kuingia katika eneo hilo, watu ambao kawaida huja kupokea bidhaa kutoka mjini na wilaya ya Kisoro sasa inaarifiwa hawaji tena, wakiwemo hata waendesha boda boda ambao pia wamesitisha shughuli zao.